羅生離開南華 青訓唔同晒

WC
羅生離開南華,由張生接手之後,有好多嘢都唔同晒。高層變動固然係一件事,之但係有好多嘢,唔提一提大家,各位又可能會遺忘咗,又或者根本醒唔起有件咁嘅事。

羅生曾經有一個德政,就係將球會同地區結盟。查實早起2009年,即係大球場坐爆嗰年,南華就已經同地區體育會合作,攪青訓結盟。當時嘅甲組教練可以教灣仔地區青年軍,而灣仔球員亦都可以銜接上南華一隊。而各支梯隊,亦得到資源同管理嘅互享,亦同時解決咗梯隊斷層嘅問題。羅生唔玩,亦即係唔會再有「灣仔南華」呢樣嘢,今年「灣仔」就還「灣仔」,「南華」就還「南華」,「灣仔」以「灣仔」名義參加青年聯賽,「南華」就以「南華」嘅身份參賽。

538451_578359398856151_1815841947_n南華嘅幾支梯隊,固然有資源;但灣仔就要單靠政府同馬會嘅資助喇。係山上取代灣仔嘅呢,就係山度士回歸,南華變咗同車路士足球學校合作。車仔學校方面就派出梁承傑、岑國培、潘文迪、潘耀焯同陸冠邦執教五支青年軍,亦都提供幾支嘅梯隊球員落去比賽。車仔學校過去兩年以橫濱FC(香港)嘅名義參加青年聯賽,幾支梯隊都有唔錯成績。係比賽上,絕對可以攞到成績。究竟係球會同地區結盟好,定球會同足球學校結盟好,真係要放長雙眼去睇。

順帶一提,同一個概念之下嘅「公民東區」,亦都因為公民唔踢港職聯,「公民」同「東區」各有各玩,亦都各自用番自己個名踢青年聯賽。有啲球會就有資源,但 係就無場地,有啲地區就有場地,都係就唔夠球員。呢啲老問題其實一直都出現,唔好好攪好,只會出現惡性循環。羅生離開南華,又點止一隊有所變動,其實係青訓上嘅概念,都要大家重新思考過。

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s