吹水唔抹嘴:民間直播本地波 有冇得諗?

IMG_8951.JPG
最近足總就下季港超賽事電視轉播,邀請本地電視台提交標書。過去幾屆,港超直播權多次易手,但唔變嘅係始終要球會夾錢做直播。未知今年邊幾間機構有意入標,但除左電視台和報紙,其實有無更多可能性

 
心水清網友或者記得,大球場道今年曾經有計劃將女足賽事進行現場直播。但當我地購入了少量設備、初步試驗階段時,已經收到足總急CALL,因為直播權關係我地不能提供賽事直播訊號(也好在提醒得早,未有泥足深陷)。
 
之後,都有諗過在大專女足賽事提供訊號,最終由於人手問題、未能解決法律爭議無疾而終。老實講,足總跟轉播機構簽了白紙黑字,轉播權範圍包括女足賽事的話,又確實無可厚非。
 
一年又過,足總今次再邀請電視台做直播,其實球迷們都不妨幻想下,如果直播權在自己的手上,又會是怎樣的光景?
 
例如,我們通過眾籌方式購買所需設備,找十幾位球迷做義工,將製作好的訊號免費給予不同的地區組織,除了在網上廣播,也在社區如藍屋、土家、墟市等地設立開放的免費直播點,將戶外直播變成日常。
 
又例如,最近新開的免費電視台有個創意計劃,投資港幣3億元提供開放平台予獨立製作人,香港足球賽事可唔可以係獨立製作的項目呢?
 
又又例如,港超賽事也許需要大量的人力和資源,但如果只入標部分項目,喺商業平台以外用較低技術、成本轉播低組別、女足、青年賽事,又有無得諗?
 
或者這時又有人會質疑,喂,直播嘅嘢,都係交返畀大公司做啦!民間做,質素又低,會否拖累香港足球形象架?都可能會嘅,不過,人無夢想同鹹魚有咩分別,就算入標,足總覺得唔夠好都可以ignore份標書嘅。
 
都係諗下架啫,所有嘢,都係諗諗下先成真。最後唔得,咁咪算囉……
廣告

對「吹水唔抹嘴:民間直播本地波 有冇得諗?」的一則回應

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s