立法會議員身體力行撐港足

170321_legcomembers
支持、參與運動可以有好多種方法,有人就鍾意一時話體育界冇經濟貢獻、但運動員有成績就第一時間撲出嚟影相或者喺社交網站出段文祝賀下,亦有人選擇身體力行咁去支持、投入去感受運動既樂趣,香港嘅立法會醫學界議員陳沛然就係後面果一種。

陳醫生平日工作都已經繁忙,但佢對足球運動嘅熱愛同支持,絕對唔係口講或者走去馬會果一類,而係親自落場踢埋一份,最近仲有一個新突破,就係參與香港足總五人足球聯賽,註冊為五人聯賽甲組隊國強連城ONC嘅球員。唔好以為佢只係報個名就算,陳醫生其實係好認真、投入,就算有時只係後備,但佢一路喺場邊熱身,亦都有花時間留意隊友喺場入面點踢,畢竟踢開十一人波既佢係第一次玩五人。
現任立法會議員註冊踢足總正式既頂級聯賽,喺香港可能係第一次出現,先唔好講咩經濟貢獻之類,陳醫生今季參與五人聯賽,已經事先MARK低晒比賽日子,仲推晒朋友既約會,即使喺今季第一場波只係上陣四分鐘,但佢都話開心。「我嘅目的就係參與,五人足球攻守轉換快,球員喺場入面冇得停,都可以令自己體能有所提升。我都係學習心態咁參與,就算踢一、兩分鐘我都好開心喇,今季我場場都會嚟踢。」
其實,支持運動唔一定要講到天花龍鳳離晒地,換套衫換對鞋親身去玩,一樣可以好開心。
廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s